الفيلم القصير :
Sans Titre | بدون عنوان
للمخرج المغربي الشاب أسامة عزي
بعض توضيحات من المخرج حول فيلمه هذا :
في البداية شكرا لأي وااحد ساهم في نشر العمل يا كيعرفني ولا لا ..
وباش نذكر الناس اللي ماعارفينش بلي الفيلم تعرض تقريبا اكثر من 24 مرة في المغرب وتلقى العديد من الأسئلة وكاين اللي فهم كلشي و كاين اللي لا ..
المهم بناءا على الأسئلة و الرسائل اللي وصلوني غادي نعطيكم واحد التحليل أولي ديال #بدون_عنوان :
السؤال اللي أي واحد خصو يجاوب عليه هو شكون الدري و شكون هي البنت
اللي عندها الشعر طويل ؟
الفيلم كيما شفتو كيضور فدااار مظلمة بلا ما نستحمرو أي مشاهد فالدار باينة شنو كتعني (الجانب المظلم من المغرب) حيت الزوين راااه زوين و ماكانش لاش نبقاااو نزغرتووو بيه
الرموز اللي داير عليها الفيلم شنو هوما ؟
-الساعة الرملية: اللي غاديا وكاتسالا و كتعبر على الوقت اللي غادي طااااير و على العمر ديال أي وااحد غادي يذخل للمنزل
- الباب : ثمثل مشكل أو عائق يقدر يتحل بسهولة وتقدر تلقااه محلول و أحيانا يقدر مايبغيش يتحل هائيا
-الصداع اللي كيحس بيه الدري فراسو مع كاتصوني الساعة : كيعبر على ضجيج الشعب عندما يطالب بشئ ما
-الحائط فالدخلة لولا اللي فيه بزاااف ديال الرموز و كايبانو مضروبين يعني تا شي حد ما قدر يخرج من ديك الدار امن
-في الصحة :
في هاد المشهد ايلا كان عندكم الوقت ركزو أكثر في الخلفية الموسيقية وكيف تعبر على الحالة ديال السيدة
في المدرسة :
لا أظنها تحتاج الى أي شرح فقط ركزو على الباب ملي جا البطل دااخل شنو مكتوووب فيها باش تعرفو شنو ناقصنا كاملين باش نزيدو القدام
في الغرفة :
بهلوان ينوم مغاطيسيا واحد المرا و راجل باستعماله لمسلسل مدبلج الى الدارجة ف يا أصدقائي أثق في قدراتكم باش تفهمو داكشي فالسما
في الغرفة مع الرسم و الدمى :
بالنسبة ليا أقوى مشهد هو هدااك وهو الطويل حيت شخصيا كنكره الاعتداء على الأطفااال وكنت ناوي ندير فيلم كاامل على هاد الموضوووع الا انني خصصتو لواحد الحلقة فماشي فنان سميتها #الدمية
الرسمة اللي فالحيط .. جهاز تناسلي على شكل أرنب و مثلجات فاليد حيت أغلب الجرائم اللي كيوقعو فالصغر كايكون السبب ديالهم الاغراااء
(ودرتها فهاد النسخة فلوووو حيت هاد النسخة كانت مخصصة للعروض وكت مجبر نديرها هاكك )
في قاعة الاقتراع
هاد المخرج الفاشل اللي هو أنا و أعوذ برب العزة من هاد القولة عمرووو ما صوت ماشي حيت باغي نبااان قويفز لا .. ولكن حيث مكنتيقش بزاااف
3 ديال الصناديق :
1- قد نعيلك بعد الانتخابات
2- المؤونة صالحة طيلة الانتخابات
3-الله أعلم
وفالحيط على اليمين كاين "ماتبيعش صوتك" حيت غاتبيعووو ب 200 درهم وهوا يقدر يشد الستووون شحال من عام ويسرط شحال من 200 درهم
والصوت تعطى فالأخير للدمقرااااااطية .. اللي فالفيلم هي حبر على ورق
هي اللب ديال الفيلم وهي اللي خصها التركييييز برشة
علاش ايلا لاحظتو رجعنا لنفس البلاصة اللي كان فيها "le climax" ودخلت البطلة للمكان مظلم وتسدت الباب
ولاحقها البطل وهاديك كانت أول باب ماقدرش يحلها .. وهاداك بالضبط كان اختبار من عندها باش تعرف هل سيخدمها بنية صافية و يحل الباب ولا شي لعيبة اخرى عندو .. وطبعا هو مشى لطريق الساهلة واعطة 100 درهم و خرج من باب واسع و قتلاتو فالأخير لأنه لا يصلح لها مادام ملي كتسد الباب فوجهو كايستعمل السلطة و القوة اللي عندو المادية ولا البشرية
وفالفيلم بصفة عامة هنالك صوت كايتحكم في اللعبة و كايخلي النهاية كيما هو باغيها تكوووون .. الحاصووول بلا منزيد نفصل أكثر رجعو تفرجولو لا كان الوقت وغادي يعجبوكم شي لعيبات
البطل هو : مسؤول ذخل بنية الاصلاح ولقاها مرونة ودخل معاهم في اللعبية و بدا يبيع ويشري في النهاية و كايبيع العجل
البطلة : هي الشعب اللي تسنا وقدااام و طزااالو الشعر
الخاتم في يد البطل = الوعووووود
وسأنهي هاد الأسطر اللي أنا متأكد بلي بزاااف مغايقراوهومش ب 2 ديال الجمل من #ماشي_فنان اللي سميتو #توبة_ابليس
قطعة دينار في يدي .. هل أشتري بها قطعة خبز تسد جوعي
أم أمدها لموظف بليد ببلدية فيقضي لي حاجتي
شكرااا لكم .. على دعمكم وعييييد مولد نبوي شريييييييييف
مع تحيات العزي الزنجي المبلبل ..
